तुम्हाला सतत ॲसिडीटी होते? करा ‘हे’ सोपे प्रकार, ॲसिडीटीला सारा दूर

छातीतली जळजळ कमी करण्यासाठी तुम्ही कसं झोपता हे जास्त महत्त्वाचं आहे. अतिरिक्‍त उशी घेऊन डाव्‍या कुशीवर झोपल्‍याने ॲसिडीटी कमी होण्यास मदत होते. कारण सरळ सरळ पाठीवर झोपल्‍याने ॲसिड रिफ्लक्‍सचा त्रास होऊ शकतो.

दररोज तुमची झोप अपुरी असेल तर तुमचा ॲसिडीटीचा त्रास वाढू शकतो. ॲसिडीटी कमी करण्यासाठी योग्य प्रमाणात झोप आवश्यक आहे. दररोज झोपण्‍याची वेळ आणि सकाळी उठण्‍याची वेळ समान असली पाहिजे. यामुळे शरीराचं घड्याळ सेट होतं आणि अवयवांचे कार्य सुरळीत पार पडतं.

झोपण्‍यापूर्वी मसालेदार पदार्थांचे किंवा अतिप्रमाणात आहार सेवन करणे टाळा. झोपण्‍यापूर्वी किमान तीन तास अगोदर रात्रीचे जेवण घ्या. ज्‍यामुळे अन्‍नपचन योग्‍यप्रकारे होईल आणि ॲसिडीटीला कारणीभूत ठरणारं ॲसिड रिफ्लक्‍सचा कमी होतं. एकाचवेळी जास्त जेवण्यापेक्षा दिवसभरात थोडं थोडं खाल्यास ॲसिडीटीचा त्रास कमी होतो. चॉकलेट, लिंबूवर्गीय फळे व टोमॅटो यांसारख्‍या ॲसिडीटी वाढवणाऱ्या खाद्यपदार्थांचे सेवन करणे टाळा. तसेच झोपण्‍यापूर्वी मद्यपान व कॅफीन घेणं टाळा

ताण तणावामुळे ॲसिडीटी वाढू शकते, नियमित व्‍यायाम आणि मानसिक आरोग्‍य उत्तम राखणाऱ्या योगासनांद्वारे तणावाचे उत्तमप्रकारे व्‍यवस्थापन करा. नियमित शारीरिक व्‍यायाम उत्तम ठरू शकतो, मात्र झोपण्‍यापूर्वी अधिक प्रमाणात व्‍यायाम करणे टाळा. झोपण्‍यापूर्वी मनात अधिक विचार करू नका.

तुम्‍हाला सतत गॅस्ट्रिक ॲसिडीटीचा त्रास होत असेल तर वैयक्तिक मार्गदर्शन आणि उपचारांसाठी डॉक्‍टरांचा सल्‍ला घ्‍या. ते तुम्हाला योग्य ती औषधं आणि जीवनशैलीत बदल सुचवतील ज्यामुळे तुमचा ॲसिडीटीचा त्रास कमी होऊ शकेल. अपुऱ्या झोपेमुळे ॲसिड रिफ्लक्‍स, तसेच थकवा, चिडचिड असा त्रास होऊ शकतो. त्यामुळे ॲसिडीटीला वेळीच रोखणं गरजेचे आहे.