Unhealthy Momos: सावधान! तुम्ही मोमोज खाता आहात ? आत्ताच थांबवा नाहीतर येईल पश्चातापाची पाळी

मुंबई : मुळचा तिबेटी, चायनिज फूडच्या नावाने भारतात गल्लोगल्ली विकला जाणारा पदार्थ म्हणजे मोमो किंवा मोमोज. गेल्या काही वर्षात या मोमोजचं अचानक पेव फुटलं. मोमोजने अगदी थोड्याच दिवसात आपल्या चवीने अनेकांना वेडं केलंय. मोमोजचे व्हेज, नॉनव्हेज, स्टीम, फ्राईड असे अनेक प्रकार आहेत. आपल्याकडे जेव्हा कोणताही पदार्थ येतो तेव्हा तो जिथून आलेला आहे त्यापेक्षा तो कितीतरी वेगळ्या पद्धतीने भारतात विकला जातो. साधं उदाहरण द्यायचं झालं तर चायनिज फूडचं देता येईल. आपल्याकडे जसं आणि ज्या पद्धतीचं चायनिज बनवलं जातं तसं तर चीनमध्ये अजिबातचं बनवलं जात नाही. तसंच काहीसं मोमोजचं झालंय. मैद्यामध्ये वेगवेगळे पदार्थ भरायचं आणि ते चिकन, पनीर, चीज अशा विविध नावांनी विकायचे. म्हणून तिबेटी लोकांच्या पौष्टिक आहाराचा भाग असलेले मोमोज भारतात आल्यानंतर ते आरोग्यासाठी धोकादायक ठरू लागलेत. आता आपल्याला प्रश्न पडला असेल की एखादा पदार्थ एका देशात पौष्टिक असेल तर तो दुसऱ्या देशात धोकादायक कसा ठरू शकतो. याचं साधं सोपं उत्तर आहे की ते कसं बनवलं जातं ?