Weight loss diet plan: वजन कमी करायचं आहे? मग फक्त व्यायामच नाही, घ्या ‘या’ गोष्टीची काळजी; अन्यथा सगळे प्रयत्न ठरतील फोल

मुंबई :  वाढतं वजन हे अनेकांसाठी डोकेदुखीचं कारण ठरलं आहे. वजन कमी करण्यासाठी अनेक प्रकार आणि उपाय अवलंबवून सुद्धा ते कमी होत नाही. वजन कमी करण्यासाठी अनेक जण तासंतास जीममध्ये व्यायाम करतात. काही जण उपाशी राहातात, तर काही दिवसातून फक्त एकदाच जेवतात. मात्र असं करूनही त्यांचं वजन कमी होत नाही. याची 2 मुख्य कारणं मानली जातात. एक तर अनावश्यक चिंता आणि दुसरं म्हणजे चुकीच्या वेळी खाणं. चुकीच्या वेळी जेवल्यामुळे वजन कमी होत नाही. त्यामुळे तुम्हाला जर खरंच वजन कमी करायचं असेल तर तुम्हाला तुमच्या जेवणाच्या वेळा या पाळाव्याच लागतील. खाण्याच्या सवयींवर नियंत्रण आलं तर वजन लवकर कमी व्हायला मदत होते. आहारतज्ज्ञांच्या मते, लठ्ठपणा किंवा वाढलेलं वजन कमी करायचं असेल तर नाश्ता, दुपारचं जेवण आणि रात्रीचं जेवण ठराविक आणि योग्य वेळी केलं पाहिजे.