Intermittent fasting: वजन कमी करण्यासाठी इंटरमिटंट फास्टिंग? नको रे बाबा, फायद्यांऐवजी होईल नुकसान

दिवसातल्या 24 तासांपैकी 16 तास तुम्हाला उपवास करायचा आहे किंवा उपाशी राहायचं आहे आणि उरलेल्या 8 तासांमध्ये तुम्ही खायचं आहे. या 8 तासात तुम्ही केव्हाही, काहीही खाऊ शकता. याच प्रमाणे 14/10 प्रकारात 14 तास उपाशी राहायचं आहे आणि उरलेल्या 10 तासात काहीही खाता येतं. 5/2 प्रकाराच्या नावावरून तुम्हाला असं वाटू शकतं की, 5 तास उपाशी राहून 2 तास खायचं आहे. असं दिवसातून 2 वेळा करायचं आहे तर तुम्ही चुकीचा विचार करत आहात. मुळातच 5/2 या प्रकारात आठवड्यातून 5 दिवस खायचं आहे आणि 2 दिवस उपाशी राहायचं आहे. उपवासाचा किंवा इंटरमिटंट फास्टिंगचा हा एक कठिण प्रकार आहे. याशिवाय 5/2 प्रकारातला उपवास करताना सलग 2 दिवस उपाशी राहायचं नाहीये.

प्रसिद्ध यकृत तज्ज्ञ डॉ. एस.के. सरीन यांचा इंटरमिटंट फास्टिंगला विरोध आहे. त्यांच्यामते इंटरमिटंट फास्टिंग ही निरोगी जीवनशैली होऊ शकत नाही. यामुळे कमी वेळात वजन भलेही कमी होत असेल मात्र त्याचे दूरगामी परिणाम हे आरोग्यावर होऊ शकतात. त्यामुळे बराच काळ उपाशी राहून एकाचवेळी भरपेट खाण्याने नुकसान होऊ शकतं. त्यापेक्षा वेळेवर मर्यादित आहार घेणं हे केव्हाही फायद्याचं.

इंटरमिटंट फास्टिंगचे काही नियम आहे. मात्र हे करताना अनेकजण बराचवेळ उपाशी राहतात. उदा. जे लोक 5/2 प्रकारतलं फास्टिंग करतात त्यात त्यांना असं वाटंत की सलग 2 दिवस काही खायचं नाही. मात्र हे चुकीचं आहे. सतत बराच वेळ उपाशी राहिल्याने शरीरावर आणि हृदयावर ताण येऊन हृदयविकाराचा झटका येण्याची शक्यता असते.

इंटरमिटंट फास्टिंग ही वजन कमी करण्याची चांगली पद्धत नाहीये. कारण उपाशी राहिल्यामुळे तुमची चरबी जळून फॅटलॉस व्हायला मदत होते. मात्र यामुळे जे वजन कमी होते ते क्षणिक किंवा काही काळासाठी ठरू शकतं. कारण तुमचा फॅटलॉस होतोय वेटलॉस नाही. जस तुम्हाला खरच वजन कमी करायचं असेल तर तुम्हाला जीवशैली सुधारून पोषक आहारासोबत व्यायामाची सवय लावून घ्यावी लागेल जेणेकरून तुम्हाला आणि तुमच्या शरीराला दीर्घकालीन फायदे होऊ शकतील.