Korean skincare routine: कोरियन मुलींसारखी ग्लोइंग स्किन हवीये? रोज सकाळी फॉलो करा 'हे' 5 स्किनकेअर रुटीन!

सकाळी उठल्यावर सर्वात आधी तुमचा चेहरा पाण्याने स्वच्छ करा. यामुळे तुमच्या त्वचेला ताजेतवाने वाटेल. तुमच्या चेहऱ्यावरील धूळ आणि घाण निघून जाईल. यामुळे त्वचा हायड्रेटेड राहते. जेव्हा तुम्ही सकाळी चेहरा धुता, तेव्हा त्वचेला मोकळा श्वास घेता येतो.

पाण्याने चेहरा धुतल्यानंतर टोनर (toner) लावा. एका कापसाच्या बोळ्यावर (cotton ball) टोनर घेऊन हलकेच चेहऱ्यावर लावा. तुम्ही तुमच्या तळहातावर टोनर घेऊन चेहऱ्यावर थापूनही लावू शकता. टोनर लावल्याने त्वचेचा pH स्तर संतुलित राहतो.

टोनर लावल्यानंतर चांगल्या प्रतीचे सीरम (serum) लावा. संशोधनानुसार, सीरम लावल्याने त्वचेवर अँटी-एजिंग (anti-aging) प्रभाव होतो. ते बारीक रेषा, काळे डाग, हायपरपिगमेंटेशन (hyperpigmentation), सुरकुत्या इत्यादी त्वचेच्या अनेक समस्या कमी करू शकते. थोडेसे सीरम तळहातावर घेऊन नंतर ते चेहऱ्यावर लावा.

आता डोळ्यांची आणि त्यांच्या आजूबाजूच्या त्वचेची काळजी घेण्याची वेळ आहे. लक्षात ठेवा, या भागाची त्वचा खूप नाजूक असते. या भागासाठी फक्त सीरम आणि फेस क्रीम पुरेशी नाही. कोरियन लोक ती हायड्रेटेड आणि सुरक्षित ठेवण्यासाठी एक खास प्रकारची क्रीम लावतात. याबद्दल तुम्ही तज्ञांचा सल्ला जरूर घ्या. तुमच्या बोटांवर थोडीशी आय क्रीम (eye cream) घ्या. डोळ्यांच्या आतल्या कोपऱ्यापासून ते बाहेरच्या कडेपर्यंत ती लावा.

तुम्ही डोळ्यांवर आय क्रीम लावल्यानंतर, त्यानंतर मॉइश्चरायझर (moisturizer) लावा. यामुळे दिवसभर त्वचेचे पोषण होईल. त्वचा हायड्रेटेड आणि चमकदार राहील. ज्यांची त्वचा कोरडी आहे, त्यांनी क्रीम-आधारित मॉइश्चरायझर वापरावे. ज्यांची त्वचा तेलकट आहे, त्यांनी पाणी-आधारित मॉइश्चरायझर लावावे. ते चेहऱ्यापासून मानेपर्यंत लावा आणि मसाज करा. या कोरियन स्किनकेअर रुटीनचे टप्प्याटप्प्याने पालन करा, तुमची त्वचाही त्यांच्यासारखीच चमकू लागेल.