एकापेक्षा एक फॅन्सी ड्रेस, फक्त 150 रुपयांत, दादर मार्केटमधील इथं करा मुलांसाठी खरेदी

मुंबई: खास शॉपिंग करायची असेल तर मुंबईत अनेक प्रसिद्ध मार्केट आहेत. दादरचं मनीष मार्केट असंच एक प्रसिद्ध मार्केट असून इथं आपल्याला कपड्याचे बरेच प्रकार पहायला मिळतील. जर तुम्हाला लहान मुलांसाठी कपडे विकत घ्यायचे असतील, तर फक्त 150 रुपयांपासून एकापेक्षा एक फॅन्सी व्हरायटी इथं मिळतील. मनीष मार्केटमधील श्रद्धा ड्रेसेस येथे अगदी होलसेल दरात अनेक व्हरायटी आणि डिझाईनचे कपडे मिळतात. याबाबत लोकल18 च्या माध्यमातून जाणून घेऊ.

मोठ्या लोकांसाठी कपडे विकत खरेदी करायचे असतील तर आपल्याला बरेच पर्याय मिळतात. पण लहान मुलांसाठी कपडे खरेदी करण्यासाठी आपल्याला बऱ्याचदा दुकानांचा शोध घ्यावा लागतो. दादर रेल्वे स्थानकापासून एक मिनिटाच्या अंतरावर असणारे मनीष मार्केट हे त्याच्या होलसेल दुकानांसाठी प्रसिद्ध आहे. याच मार्केटमध्ये आपल्याला मुलींसाठी वेगवेगळे कुर्ती, मटेरियल, रेडिमेट ड्रेसेस तसेच मुलांसाठी शर्ट पॅन्ट अशाचप्रकारची अनेक दुकाने आहेत. अगदी होलसेल दरात याठिकाणी आकर्षक कपडे मिळतात.