ना चोरीचं टेन्शन ना महागाईची चिंता, फक्त 50 रुपयांपासून खरेदी करा आकर्षक दागिने, Video

आर्टिफिशियल दागिन्यांमध्ये 1 ग्रॅम सोन्यापासून बनवलेल्या दागिन्यांना सर्वाधिक मागणी आहे. यामध्ये बांगड्या, कानातले, मंगळसूत्र आणि एकतारीसारख्या महाराष्ट्रीय दागिन्यांचा समावेश आहे. तसेच मोहनमाळ, हार आदींचीही आवर्जून खरेदी केली जाते. या दागिन्यांची किंमत 50 रुपयांपासून ते 5,000 रुपयांपर्यंत आहे. त्याचप्रमाणे अमेरिकन डायमंड आणि हाय गोल्ड ज्वेलरीही ट्रेंडमध्ये आहे. ब्रेसलेटची मागणीही जास्त आहे. त्याची किंमत 10 रुपयांपासून सुरू होते आणि 1,200 रुपयांपर्यंत जाते, असे व्यावसायिक नेहा माडवेकर यांनी सांगतात.

आर्टिफिशियल ज्वेलरी भारतीय आणि पाश्चात्य अशा दोन्ही प्रकारच्या पोशाखांसाठी परिधान केली जाते. त्याचे ज्वेलरी सेटही सौंदर्यात भर घालतात. लग्न समारंभ असो की अन्य कोणताही प्रसंग त्यांची मागणी कायम आहे. भेटवस्तू देण्यासाठी देखील हा एक चांगला पर्याय आहे. तसेच ते अतिशय हलके आणि त्वचेला अनुकूल आहे. या सोबतच सुरक्षिततेबाबत ही चिंता नसते. कारण सोन्या पेक्षा खूप कमी किमतीत हे दागिने मिळतात. त्यामुळे चोरी होण्याची भीतीही सतावत नाही, असे प्रीती माडवेकर सांगतात.