Chicken Recipe: नुसतं नाव काढलं तर तोंडाला पाणी सुटेल, आगरी स्टाईल चिकन लपेटा, अशी बनवा रेसिपी
- Published by:Shankar Pawar
- Reported by:GEETA PANDHARINATH GAIKAR
Last Updated:
Nonveg Recipe: मांसाहार म्हटलं की प्रत्येकाची एखादी आवडती डिश असते. आगरी जेवण अनेकांना आवडतं. तुम्ही देखील घरीच आगरी स्टाईल चिकन लपेटा रेसिपी बनवू शकता
कल्याण: नॉनव्हेज खायचं म्हटलं की अनेकांच्या तोंडाला पाणी सुटतं. अनेकजण मांसाहारी जेवणातील विविध प्रकार ट्राय करत असतात. चिकनपासून चिकन बिर्याणी, चिकन भाजी, भजी, खिमा, लॉलीपॉप अशा डिश अनेकजण बनवतात देखील. अशीच एक चिकनची प्रसिद्ध डिश म्हणजे चिकन लपेटा होय. हीच चटपटीत आगरी स्टाईल चिकन लपेटा रेसिपी गृहिणी अरुणा नितीन पाटील यांनी सांगितली आहे.
चिकन लपेटासाठी साहित्य
चिकन, टोमॅटो, कांदा, आले-लसूण पेस्ट, लाल तिखट, गरम मसाला, हळद, आगरी मसाला, धना पावडर, कसुरी मेथी (असले तर), सुके खोबरे, काजू, कोथिंबीर, हिरवी मिरची, अंडे (पाहिजे असेल तर), तेल, वेलची, दालचिनी, गरम पाणी, मीठ (चवीनुसार).
advertisement
चिकन लपेटा कृती
चिकन मॅरीनेट करण्यासाठी चिकनमध्ये दही, आले-लसूण पेस्ट, लाल तिखट, आगरी मसाला, हळद, गरम मसाला आणि मीठ लावून काही वेळ बाजूला ठेवा. (वेळ नसल्यास दह्याचा वापर करत डायरेक्ट लपेटा साठी रेडी करणे) एका कढईत तेल गरम करून त्यात कांदा परतून घ्या. कांदा परतल्यावर त्यात टोमॅटो प्युरी घालून शिजवा.
मॅरीनेट केलेले चिकन घालून व्यवस्थित परतून घ्या. सुके खोबरे आणि काजूची पेस्ट तयार करून ग्रेव्हीमध्ये मिसळा. आवश्यकतेनुसार पाणी आणि मीठ घालून झाकण ठेवून चिकन शिजू द्या. चिकन शिजल्यावर त्यात कसुरी मेथी आणि हिरवी मिरची घालून मिक्स करा. अशा पद्धतीने गरमागरम चिकन लपेटा तयार होईल.
advertisement
गरमागरम चिकन लपेटा पोळी किंवा भातासोबत सर्व्ह करा. अशा पद्धतीत आपण चिकन लपेटा घरगुती मसाले वापरून बनवू शकतो. तुम्ही देखील ही सोपी रेसिपी ट्राय करू शकता.
view commentsLocation :
Kalyan-Dombivli (Kalyan-Dombivali),Thane,Maharashtra
First Published :
November 12, 2025 1:23 PM IST
मराठी बातम्या/रेसिपी/
Chicken Recipe: नुसतं नाव काढलं तर तोंडाला पाणी सुटेल, आगरी स्टाईल चिकन लपेटा, अशी बनवा रेसिपी
