फक्त गव्हाच्या पिठापासून बनवा बाप्पासाठी नैवेद्य, 5 मिनिटात तयार होईल पदार्थ

गोड शेव बनवण्यासाठी घरात उपलब्ध साहित्यच लागणार आहे. यात सर्वात प्रमुख म्हणजे गव्हाचं पीठ अर्धी वाटी, अर्धी वाटी गुळ, तळणासाठी तेल आणि जायफळ, वेलची पावडर या साहित्यात कुरकुरीत रेसिपी तयार होईल.

सुरुवातीला गव्हाच्या पिठात गरजेनुसार मीठ ऍड करून पोळीसाठी मळतात त्यापेक्षा थोडी कडक मळायचे आहे. त्यानंतर हाताने बारीक शेव करून घ्यायची आहे. तुम्ही शेवच्या साच्यानेही शेव करू शकता मात्र हाताने केलेल्या शेव जास्त चांगले तळता येतात. म्हणून हातानेच बनवून त्याचे लहान लहान तुकडे करून घेतले आहेत. एका बाजूला गुळात अगदी थोडंस पाणी घालून गुळाचा पाक करण्यासाठी गॅसवर ठेवायचं आहे. शेव थोडा वेळ फॅन मध्ये सुकल्यानंतर गरम तेलात मंद आचेवर तळून घ्यायचे आहेत. लालसर कुरकुरीत झाल्यावर घट्ट पाकात टाकून काढून सर्व्ह करायचे. आता गणपती बाप्पांच्या नैवेद्यासाठीची ही सोप्पी रेसिपी तयार आहे.