होळीला थंडाई हवीये? मग विकत का आणताय? घरीच बनवा सोपी रेसिपी

पाव वाटी बदाम, पाव वाटी काजू आणि पिस्ता, दोन टेबल स्पून मगज बी तिची पावडर करून घ्याची आहे. बडीशोप, पांढरे तीळ, काळी मिरी,खसखस, वेलची आणि जायफळ पूड हे सर्व साहित्य दोन टेबल स्पून घायचं आहे. केसर, सुकलेल्या गुलाबाच्या पाकळ्या, पाव वाटी मिल्क पावडर एवढं साहित्य लागेल.

सर्वप्रथम एका मिक्सरच्या भांड्यामध्ये पाव वाटी काजू, पिस्ता, मगज बी, बडीशोप, पांढरे तीळ, काळी मिरी, खसखस, वेलची आणि जायफळची पूड, केसर आणि गुलाबाच्या पाकळ्या टाकून रवाळ असं काढून घ्यायचं. बदाम 4-5 तास भिजू घालत ठेवायचे. त्यानंतर त्याचे वरचे छिलके काढून घ्यायचं आणि आणि त्यामध्ये थोडीशी पिठीसाखर आणि पाव वाटी मिल्क पावडर घालून ते मिक्सरमधून काढून घ्यायचं. थंडाई तयार करण्यासाठी एका बाऊलमध्ये तयार केलेला मसाला टाकायचा. त्यामध्ये दूध टाकून तयार झालेलं मिश्रण दोन तास तसेच मुरू द्यायचं.