कडधान्य खाण्याचा कंटाळा येतोय? मग सोप्या पद्धतीनं बनवा कडधान्याचे थालीपीठ, रेसिपी पाहाच Video

मोड आलेली मटकी, मोड आलेली मुग, मोड आलेले चणे, 1 मोठी वाटी रवा, बारीक चिरलेला कांदा, कोथिंबीर, चवीनुसार तिखट, मीठ, हळद, धणेपूड, कढीपत्ता, हिरवी, मिरची हे साहित्य लागेल.

सर्वप्रथम मोड आलेले मटकी, चणे, मुग, मिरची, कढीपत्ता आणि मीठ मिक्सरमधून बारीक करून घ्या. खूप जास्त बारीक पेस्ट नाही करायची. आता यामध्ये रवा अ‍ॅड करून चांगलं एकत्र करून घेऊया आणि 10 मिनिटे झाकून ठेवायाच. 10 मिनिटे झाल्यानंतर त्यात मीठ, तिखट, धणेपूड, हळद, बारीक चिरलेला कांदा, कोथिंबीर अ‍ॅड करून चांगलं एकत्र करून घ्यायचं आहे. आता गॅसवर तवा गरम करण्यासाठी ठेवूया. याठिकाणी तवा नॉनस्टिक नाही वापरला तरी चालेल. साधा लोखंडी तवाच वापरचा आहे. या तव्यावर थोडं तेल लावून हे मिश्रण पसरवून घ्यायचं आहे. दोन्ही बाजूने थालीपीठ चांगलं शिजल्यानंतर गरमागरम सर्व्ह करायचं आहे. आता तुमच्या आवडत्या चटणीबरोबर खाता येईल किंवा गोड दह्या सोबत खाल्ले तरी चालेल, असं कल्पना बनसोड सांगतात.