उन्हाळ्यात बनवा कैरीची खास रेसिपी, पाहा गुळांबा बनवण्याची सोपी पद्धत, Video

गुळांबा तयार करण्यासाठी ताज्या कच्च्या कैऱ्या, दालचिनी, लवंग आणि इलायची तसेच एक वाटी गूळ, तेल किंवा तूप आदी साहित्याची आवश्यकता आहे.

सर्वप्रथम कैऱ्यांना स्वच्छ धुऊन घ्यायचं आहे. त्यानंतर या कैऱ्यांची साल काढून घ्यायची. कैऱ्यांना व्यवस्थित किसून बारीक तुकडे करून घ्यायचे. कैऱ्यांचा किस तयार झाल्यानंतर गॅसची फ्लेम चालू करून त्यावरती स्टीलचे पातेले किंवा कढई ठेवायची. त्यामध्ये एक-दोन चमचे तेल किंवा तूप घालू शकता. तेल गरम झाल्यानंतर दालचिनी, लवंग आणि इलायची टाकायची आहे. थोडा वेळ परतून घेतल्यानंतर त्यामध्ये आंब्याच्या कैऱ्यांचा किस घालायचा. या मिश्रणाला 4 ते 5 मिनिटं एकजीव करून घ्यायचं. आंब्याच्या किसला चांगल्या प्रकारे पाणी सुटायला लागल्यास त्यामध्ये बारीक ठेचून घेतलेला एक वाटी गूळ घालायचा आहे.