अंड्याचे तेच तेच पदार्थ खाऊन कंटाळलात? मग एकदा 'घोटाळा' करा, रेसिपी अशी की रोज बनवाल, Video

अंडी, तेल, टेबल बटर, जिरे, कांदे, टोमॅटो, आलं, लसूण, हिरवी मिरची, लाल मिरची पावडर, काळी मिरी पूड, हळद, गरम मसाला, कोथिंबीर, मीठ आदी साहित्य लागेल.

सुरुवातीला अंडी उकडून त्यांची साल काढून बारीक किसून घ्यावीत. कढई गरम करून त्यात 2 टेबलस्पून तेल व 2 टेबलस्पून बटर घालावे. बटर वितळल्यानंतर जिरे घालून तडतडू द्यावेत. त्यानंतर बारीक चिरलेला कांदा, हिरवी मिरची व आलं-लसूण पेस्ट घालून कांदा गुलाबी होईपर्यंत परतावा. पुढे बारीक चिरलेला टोमॅटो घालून २–३ मिनिटे परतून घ्यावा. हळद, गरम मसाला व काळी मिरी पावडर घालून मिक्स करावे व मसाला जळू नये म्हणून थोडेसे पाणी घालावे. आता किसलेली उकडलेली अंडी, मीठ व कोथिंबीर घालून चांगले मिक्स करून मंद आचेवर शिजू द्यावे.