हा लाडू आहे पौष्टिक आहाराचा डबल डोस, एकदा खाल तर परत मागाल, VIDEO

कोल्हापूरच्या कोमल कांबळे यांनी बिटाची ही पाककृती सांगितली आहे. खरंतर त्या एक गृहिणी आहेत. मात्र त्यांचे अर्धवट राहिलेले शिक्षण त्यांनी पूर्ण करायचे ठरवले होते. मग त्यासाठी त्यांनी कोल्हापूरच्या देशभक्त रत्नाप्पा कुंभार आर्ट्स अँड कॉमर्स कॉलेज या ठिकाणी आपले शिक्षण पूर्ण करायला सुरुवात केली. याच ठिकाणी त्यांना पाककलेची आवड लागली. महाविद्यालयातील पाककलेच्या स्पर्धेत त्यांनी हीच 'बिटाच्या पौष्टिक लाडूची' पाककृती सादर करत पारितोषिक मिळवले.

भाजून झालेल्या खोबऱ्यामध्ये बिटाचा किस टाकावा. हे मिश्रण एकजीव करुन त्यात 2 चमचे साय टाकावी. यामध्ये वितळवून घेतलेल्या गुळाचा पाक टाकावा. हे सर्व मिश्रण साधारण 4-5 मिनिटे बारीक आचेवर हलवत रहावे. हळूहळू हे मिश्रण एकजीव व्हायला लागेल. या मिश्रणामध्ये घट्टपणा यायला लागल्यानंतर काजू, बदाम, पिस्ता भाजून त्याची केलेली पुड वरुन टाकावी आणि पुन्हा व्यवस्थित हलवत रहावे. आता हे मिश्रण लाडू बांधण्यासाठी तयार झाले आहे. एका प्लेटमध्ये काढून घेऊन हे मिश्रण थोडे गरम असतानाच मध्यम आकाराचे लाडू वळून घ्यावेत. लाडू वळताना वरुन बेदाणे, काजू, बदामचे काप आवडीनुसार लावू शकतो, असंही कोमल सांगतात.