Winter Skin care tips: हिवाळ्यात पायांना भेगा पडतात? वापरा ‘या’ सोप्या टिप्स आणि घ्या पायांची काळजी

मुंबई: हिवाळ्यात कोरड्या हवेमुळे त्वचा कोरडी पडते. त्यामुळे हिवाळ्यात पायाला भेगा पडण्यांच्या तक्रारी वाढतात. योग्य काळजी आणि घरगुती उपायांनी या भेगांचा त्रास दूर होऊ शकतो. हिवाळ्यात थंडीमुळे आपल्याला तहान लागत नाही. त्यामुळे आपण पाणी कमी पितो पण कमी पाणी प्यायलाच्या फटका त्वचेला बसतो. शरीरातल्या पाण्याचं प्रमाण कमी झाल्याने त्वचेवर सुरकुत्या येऊ शकतात. त्यामुळे त्वचा हायड्रेट नसणं किंवा जास्त वेळ अनवाणी चालल्यामुळेही पायांना भेगा पडू शकतात. जर या भेगांकडे वेळीच लक्ष दिलं नाही तर त्यातून रक्त येऊ  शकतं जे वेदनादायक तर असेलच मात्र पायांच्या सौंदर्यातही बाधा आणतील.