आता पिवळ्या दातांची चिंता विसरुन जा, 'या' घरगुती उपायांनी चमकवा मोत्यांसारखे दात

मुंबई : आपण दररोज आपल्या शरीराची स्वच्छता करतो. त्यामध्ये दात घासण्याच्या क्रियेचाही समावेश आहे. दररोज दात घासल्यानंतरही अनेकांचे दात पिवळे असतात. दात पिवळे असतील तर ते लाजिरवाणंही होतं. निरोगी दात आणि हिरड्या हे निरोगी आयुष्याचं लक्षण आहे. दात आणि हिरड्या कमकुवत असतील तर आपल्याला जेवताना त्रास होतो. त्यामुळे शरीराला अन्नातून योग्य प्रमाणात पोषकतत्त्वं मिळू शकत नाहीत. जेव्हा आपल्या शरीरात एखाद्या पोषक घटकाची कमतरता असते तेव्हाच बॅक्टेरिया दातांवर हल्ला करतात. त्यामुळे दात किडणं, दुखणं, सूज येणं, पिवळेपणा यांसारख्या गंभीर समस्यांना तोंड द्यावं लागतं. या सर्व समस्यांवर मात करण्यासाठी काही विशिष्ट पदार्थांचा आहारात समावेश केला पाहिजे.