अखेर श्रीरामांच्या दर्शनाचा योग आला! पुण्याहून अयोध्येला धावणार स्पेशल ट्रेन

09619 आणि 09620 उदयपूर सिटी - कोलकाता - उदयपूर ही गाडी उदयपूर शहरातून 5 मेपासून 30 जूनपर्यंत धावेल. या ट्रेनच्या 9 फेऱ्या होतील. तर कोलकाताहून 7 मेपासून 2 जुलैपर्यंत 9 फेऱ्या होतील. तसंच 04037 सहरसा जं - नवी दिल्ली या गाडीची 1 मे रोजी 1 फेरी नियोजित होती.

01455 आणि 01456 पुणे जं - अयोध्या कॅन्ट - पुणे जं ही विशेष गाडी धावेल. 3 मेपासून 7 मेपर्यंत 2 फेऱ्या होतील. तर, अयोध्या कॅन्ट जंक्शनपासून 5 मे ते 9 मेदरम्यान 2 फेऱ्या होतील. ही गाडी चिंचवड, लोणावळा, पनवेल जंक्शन, कल्याण जंक्शन, इगतपुरी, मनमाड जंक्शन, जळगाव जंक्शन, भुसावळ जंक्शन, खंडवा जंक्शन, इटारसी जंक्शन, भोपाळ जंक्शन, बीना जंक्शन, वीरांगना लक्ष्मीबाई झांसी जंक्शन, उरई, कानपूर सेंट्रल, लखनऊ असे थांबे घेऊन अयोध्या कॅन्टला पोहोचेल. त्यामुळे पुण्याहून एकाच गाडीने अयोध्या गाठता येईल.

नेमक्या कोणत्या वेळी या गाड्या कोणत्या स्टेशनवर थांबतील. याबाबत पूर्ण माहिती मिळवण्यासाठी http://www.enquiry.indianrail.gov.in या वेबसाइटला भेट द्यावी.