Trending:

Navratri Fasting : तुम्हीही करताय नवरात्रीचे 9 दिवस उपवास? हेल्दी राहण्यासाठी नेमकं काय खावं आणि काय नाही

Published by:Manasee Dhamanskar

Last Updated:September 23, 2025 3:42 PM IST

नवरात्री हा 9 दिवसांचा उपवास आणि भक्तिचा काळ असतो. या काळात अनेक लोक अन्न आणि धान्यांचे सेवन टाळतात. योग्य आहार निवडणे खूप महत्त्वाचे आहे, कारण यामुळे शरीर निरोगी आणि उत्साही राहते.

इम्पॅक्ट शॉटतुमचा गेटवे लेटेस्ट न्यूज

Navratri Fasting Tips : नवरात्री हा 9 दिवसांचा उपवास आणि भक्तिचा काळ असतो. या काळात अनेक लोक अन्न आणि धान्यांचे सेवन टाळतात. योग्य आहार निवडणे खूप महत्त्वाचे आहे, कारण यामुळे शरीर निरोगी आणि उत्साही राहते. योग्य नियोजन नसल्यास थकवा किंवा पोटाच्या समस्या निर्माण होऊ शकतात. अनेक लोक मोठ्या उत्साहाने 9 दिवसांचे उपवास करतात. पण यासोबतच योग्य खाणं पिणं देखील तितकाच महत्वाचं आहे.

9 दिवसांच्या उपवासासाठी योग्य आहार

काय खावे?

उपवासादरम्यान फळे, दुध, दही, पनीर, ताक, साबुदाणा, शिंगाड्याचे पीठ, राजगीरा आणि रताळे खाऊ शकता. हे पदार्थ शरीराला आवश्यक ऊर्जा देतात.

काय खाऊ नये?

उपवासात गहू, तांदूळ, मैदा आणि डाळी खाणे टाळावे. तसेच, सामान्य मीठाऐवजी सैंधव मीठ वापरावे.

हायड्रेटेड राहा

उपवासादरम्यान शरीर हायड्रेटेड ठेवणे खूप महत्त्वाचे आहे. भरपूर पाणी, नारळ पाणी, लिंबू सरबत आणि ताक प्या. यामुळे शरीरातील पाण्याची पातळी टिकून राहते आणि थकवा दूर होतो.

कमी खा आणि वारंवार खा

एकाच वेळी जास्त खाण्याऐवजी, दिवसभर थोड्या थोड्या वेळाने खा. यामुळे शरीरातील रक्तातील साखरेची पातळी स्थिर राहते आणि तुम्हाला भूक लवकर लागत नाही.

तळलेले पदार्थ टाळा

अनेकदा उपवासात साबुदाणा वडा, बटाटा चिप्स आणि पुरीसारखे तळलेले पदार्थ खाल्ले जातात. हे पदार्थ पचनाला जड असतात आणि ॲसिडिटी वाढवू शकतात. त्याऐवजी भाजलेले शेंगदाणे, मखाना किंवा भाज्यांचा वापर करा.

पोषक तत्वांचा समतोल राखा

उपवासादरम्यान प्रोटीन, व्हिटॅमिन्स आणि मिनरल्सचा समतोल राखणे आवश्यक आहे. यासाठी दुग्धजन्य पदार्थ आणि भाज्या खाणे महत्त्वाचे आहे. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

Location :

Mumbai,Maharashtra

First Published :

September 23, 2025 3:41 PM IST

Navratri Fasting : तुम्हीही करताय नवरात्रीचे 9 दिवस उपवास? हेल्दी राहण्यासाठी नेमकं काय खावं आणि काय नाही