Dal khichadi for weight loss वजन कमी करायचं आहे मग बिनधास्त खा वरण भात; दालखिचडीचा शरीराला होईल फायदा

Khichdi Benefits For Weight Loss बदलती जीवनशैली आणि जंकफूड यामुळे अनेकांना लठ्ठपणा म्हणजेच ओबेसिटीचा सामना करावा लागतोय. वजन कमी करण्यसाठी अनेकजण शर्थीचे प्रयत्न करतात. त्यातच वजन कमी करण्यासाठी काही जण भात तर काही जण चपाती न खाण्याचा सल्ला देतात. मात्र आज आम्ही तुम्हाला अशी माहिती सांगणार आहोत की ऐकून तुम्हाला आश्चर्याचा धक्का बसेल. तुम्ही जर रोज वरण-भात किंवा दाल-खिचडी खात असाल तर तुमचं वजन वाढणार नाही उलट कमी होईल. खिचडी एक परीपूर्ण आहार असून खिचडीमुळे वजन व्हायला मदत  होत असल्याचा दावा न्युट्रिशनिस्ट डॉ. अदिती शर्मा यांनी केलाय.खिचडी हे डाळ आणि तांदूळ यांचं मिश्रण आहे. अनेक वर्षांपासून भारतीय घरांमध्ये खिचडी खाल्ली जात आहे.  दाल खिचडी, पालक खिचडी, स्प्राऊट खिचडी, असे खिचडीचे विविध प्रकार आहेत. यात तुम्ही आपल्या आवडीनुसार भाज्या, किंवा अन्य गोष्टी टाकून नवनवीन प्रकारची खिचडी बनवू शकता.