त्वचेवर लाल पुरळ, खाज येण्याच्या समस्येला करु नका दुर्लक्ष; ‘या’ आजाराची आहेत लक्षणं

मुंबई : थंडीच्या दिवसांत त्वचेची जास्त काळजी घ्यावी लागते. कारण या काळात त्वचा कोरडी पडून त्वचेचे काही आजारही उद्भवू शकतात. म्हणून थंडीमध्ये त्वचेची विशेष काळजी घ्यावी लागते. ती कशी घेता येऊ शकते, याच्या काही टिप्स जाणून घेऊ या. त्वचेचे आजार थंडीच्या दिवसांत डोकं वर काढतात. कारण हिवाळ्यात त्वचा कोरडी पडते. त्यातलं पाण्याचं प्रमाण कमी होतं. त्यातच थंडीमुळे पुरेसं पाणीही पोटात जात नाही. यामुळे त्वचेचे विकार बळावतात. काही वेळा केसात कोंडा होतो. चेहरा निस्तेज होतो. त्वचा कोरडी पडते व त्वचेचे आजार होतात. त्यामागचं कारण जाणून घेऊन त्यावर काही उपाय करणंही शक्य आहे.