Akshaya Tritiya 2025 : अक्षय तृतीयेनिमित्ताने घागर-कराकिळीला आलं महत्त्व, पुण्यातील या ठिकाणी मिळेल स्वस्तात

पुणे : साडेतीन मुहूर्तांपैकी एक असलेल्या अक्षय तृतीयेचा सण काही दिवसांवर येऊन ठेपल्याने पुण्यात उत्साहाचे वातावरण निर्माण झाले आहे. या पार्श्वभूमीवर, पुण्यातील कुंभार वाड्यात पारंपरिक मातीच्या घागरी आणि कराकिळी खरेदीसाठी मोठी गर्दी उसळली आहे. हिंदू संस्कृतीत अत्यंत शुभ मानल्या जाणाऱ्या या दिवशी पूर्वजांच्या स्मरणार्थ घागर पूजन, कृतज्ञतेचे कार्यक्रम आयोजित केले जातात. त्यामुळे या पारंपरिक वस्तूंना मोठी मागणी निर्माण झाली आहे.