Raigad News: २३ वर्षांच्या पोरीने लाल बावटा फडकावला, शेकापच्या गडात भाजपचा दारूण पराभव, अक्षया नाईक सर्वांत तरुण नगराध्यक्ष

अलिबाग: राज्यातील नगर परिषद, नगर पालिकांचे निकाल जाहीर झाले आहेत. काही वर्षांपासून रखडलेल्या स्थानिक स्वराज्य संस्थांच्या निवडणुकांचा पहिला टप्पा आज पूर्ण झाला. तर, दुसरीकडे या निकालात काही आश्चर्यकारक निकाल लागले आहेत. राज्याच्या राजकारणात आपल्या अस्तित्वासाठी डावे पक्ष झगडत असताना दुसरीकडे महत्त्वाची घडामोड झाली आहे. शेतकरी कामगार पक्षाने आपला अलिबागचा बालेकिल्ला राखला आहे. विशेष म्हणजे या २३ वर्षाच्या अक्षया नाईक ही तरुणी राज्यातील सर्वात तरुण नगराध्यक्ष असणार आहे.