Nanded: लेकीला डॉक्टर बनायचं होतं, आता संगळं संपलं, पोलिसांसमोर बाप ढसाढसा रडला, नांदेडमधील हृदयद्रावक घटना

दरम्यान, मुलीने आत्महत्या केल्याची माहिती मिळताच गायकवाड कुटुंबीयांनी हॉस्टेलकडे धाव घेतली.  आकांक्षाने आत्महत्या केली नसून घातपात झाल्याचा आरोप मयत आकांक्षा हीचे वडील मुजांजी गायकवाड यांनी केला. तिचा मासनिक आणि शारीरिक छळ झाला असावा, असा संशय मयत तरुणीच्या वडिलांनी व्यक्त केला. या प्रकरणाची चौकशी करण्याची मागणी त्यांनी केली आहे.

दरम्यान, या घटनेची सखोल चौकशी करुन गुन्हा दाखल केला जाणार असल्याचं पोलिसांनी सांगितलं आहे. सिडको येथील ज्या हॉस्टेलमध्ये ती राहत होती , त्याठिकाणी 40 ते 50 मुली राहतात अशी माहिती आहे. विशेष म्हणजे, खाजगी हॉस्टेलला कोणतीही परवानगी नसून नियमाचं पालन होतं नाही. सुरक्षेच्या उपायोजना देखील नसल्याचं सांगण्यात आलं आहे. याची देखील पडताळणी केली जाईल, नातेवाइकांनी जे आरोप केले आहे, त्याबाबतचा तपास करुन गुन्हा दाखल केला जाईल, असं पोलीस उपअधीक्षक प्रशांत शिंदे यांनी सांगितलं.