Ahmednagar News : MIDC वरुन नगरचं राजकारण तापलं; सुजय विखे-रोहित पवार पुन्हा आमने-सामने

आमदार रोहित पवारांनी कर्जत जामखेड मतदारसंघात एमआयडीसी येण्यासाठी अनेक मार्गाने पंतप्रधान नरेंद्र मोदी ते महाराष्ट्र सरकार यांचे लक्ष वेधून घेण्यासाठी मतदार संघापासून मंत्रालयापर्यन्त प्रयत्न केला. मात्र, त्यांच्या एमआयडीसीच्या मागणीकडे दुर्लक्ष करण्यात आले. दुसरीकडे मात्र खासदार सुजय विखे यांनी केलेल्या एमआयडीसीच्या मागणीला तत्वतः मंजुरी देण्यात आली. यावर रोहित पावर यांनी टीका केली आहे. कदाचित कर्जत जामखेड येथील मतदारांनी सुजय विखे यांना मतदान केले नसावे किंवा राम शिंदे यांचे आणि सुजय विखे यांचे जमत नाही. त्यामुळे कर्जत जामखेड मधील नागरिकांवर अन्याय होत असल्याचा आरोप रोहित पवार यांनी केला.