Trending:

AIMIM Winning Candidate List BMC: मुंबईत 'पतंग' जोरात! बीएमसीमध्ये एमआयएमची झोकात एन्ट्री, वाचा विजयी उमेदवारांची यादी

Written by:Shrikant Bhosale

Last Updated:Jan 16, 2026 4:53 PM IST

aimim winning candidate list BMC : एमआयएमने चांगलीच मुसंडी मारली आहे. मुस्लिमबहुल भागात एमआयएम विजयी झाल्याने मुंबईतील राजकारणात मोठी उलथापालथ होण्याची चिन्हे आहेत.

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

मुंबई: मुंबई महापालिकेची मतमोजणी आता अखेरच्या टप्प्यात आल्याचे चित्र आहे. मुंबई महापालिकेत शिवसेनेची २५ वर्षांची सत्ता जाणार असल्याचे चित्र आहे. तर, दुसरीकडे भाजप महायुतीचा महापौर होणार असल्याचे स्पष्ट झाले आहे. मुंबईच्या निकालात मोठा उलटफेर दिसत असून एमआयएमने चांगलीच मुसंडी मारली आहे. मुस्लिमबहुल भागात एमआयएम विजयी झाल्याने मुंबईतील राजकारणात मोठी उलथापालथ होण्याची चिन्हे आहेत.

महाराष्ट्रातील २९ महानगरपालिकांच्या निवडणुकीत ओवेसींच्या एमआयएम (AIMIM) पक्षाने अनपेक्षित कामगिरी करत सर्वांचे लक्ष वेधून घेतले आहे. एमआयएमने १३ महापालिकांमध्ये आपले अस्तित्व भक्कम केले असून, त्यांचे तब्बल ९५ नगरसेवक विजयी झाले आहेत. विशेष म्हणजे, अनेक शहरांत त्यांनी प्रस्थापित समाजवादी पक्षाला (SP) मागे टाकत मोठी झेप घेतली आहे. एमआयएमने सर्वाधिक यश छत्रपती संभाजीनगर आणि मालेगावमध्ये मिळवले आहे. मुंबईतही एमआयएमचे सहा जण निवडून आले आहेत.

मुंबईत एमआयएमने आपली ताकद वाढवली आहे. आतापर्यंत हाती आलेल्या निकालानुसार, मुंबई महापालिकेत एमआयएमचे ६ नगरसेवक विजयी झाले आहेत. मुस्लीम बहुल भागांत एमआयएमने मुसंडी मारल्यामुळे समाजवादी पक्षाच्या वर्चस्वाला मोठा धक्का बसल्याचे चित्र दिसत आहे.