पुण्यात महायुतीतच कुस्ती, भाजप आणि अजितदादांची राष्ट्रवादी भिडणार, मेधा कुलकर्णींविरोधात आंदोलन

पुणे : मुस्लीम महिलांनी शनिवारवाड्यात नमाज पठण केल्याचा आरोप करून त्याविरोधात आक्रमक भूमिका घेतलेल्या भाजप खासदार मेधा कुलकर्णी यांना महायुतीतूनच विरोध होत आहे. अजित पवार यांच्या नेतृत्वाखालील राष्ट्रवादी काँग्रेस पक्षाने मेधा कुलकर्णी यांच्याविरोधात आंदोलनाची हाक दिली आहे. पुण्यात हिंदू-मुस्लीम गोडीगुलाबीने राहत असताना खासदार कुलकर्णी या द्वेष वाढविण्याचे काम करीत आहेत, अशी टीका राष्ट्रवादी काँग्रेसच्या पुणे शहराच्या नेत्या रुपाली ठोंबरे यांनी केली. पुणे महापालिका निवडणुकीच्या तोंडावर महायुती असलेल्या भाजप आणि राष्ट्रवादीमध्येच तू तू मैं मैं रंगल्याचे पाहायला मिळत आहे.