रिपोर्ट समोर आला मात्र 'त्या' 14 सेकंदाच गूढ कायम, अजित पवारांच्या विमानासोबत नेमकं काय घडलं?

पुणे :   दिवंगत उपमुख्यमंत्री अजित पवार यांच्या विमान अपघाताचा प्राथमिक चौकशी अहवाल समोर आला आहे. AAIB कडून हा प्राथमिक अहवाल जारी करण्यात आला आहे. गेल्या अनेक दिवसांपासून या प्राथमिक अहवालाची प्रतिक्षा होती. अजित पवार यांच्या अपघात प्रकरणात तपास नेमका कुठपर्यंत आला? याबाबत सर्वांना प्रतिक्षा होती. अखेर AAIB कडून प्राथमिक चौकशी अहवाल जारी करण्यात आला आहे. या अहवालानुसार, खबार हवामान, पायाभूत सुविधांची कमतरता आणि ऑपरेशनल निर्णय यांच्या संयोगामुळे हा अपघात घडल्याची शक्यता वर्तवण्यात आली आहे. पण या अपघाताची अंतिम कारणे हे CVR/FDR सविस्तर विश्लेषणानंतर स्पष्ट होईल, असं सांगण्यात आलं आहे. रनवे दिसतोय म्हटल्यानंतर अवघ्या 14 सेकंदात विमान कोसळलं मात्र या 14 सेकंदात काय घडलं याचं गूढ अद्याप कायम आहे.