आर्थिक परिस्थितीनुसार आरक्षण मिळावं, अजित पवार यांचे वक्तव्य, भुजबळांचा तिखट पलटवार

मुंबई : महाराष्ट्रात आरक्षणाचा प्रश्न धगधगत असताना राज्याचे उपमुख्यमंत्री अजित पवार यांनी आर्थिक परिस्थितीनुसार आरक्षण मिळायला पाहिजे, असे वक्तव्य केले आहे. जातनिहाय आरक्षण आणि आर्थिक जातिनिहाय आरक्षण हे सामाजिक आणि शैक्षणिक मागासलेल्या जातींच्या प्रतिनिधित्वासाठी आहे. असे असताना आर्थिक आधारावर आरक्षण मिळावे, अशी भूमिका मांडून अजित पवार यांनी नवा वाद ओढावून घेतला आहे. सरकारमधील दोन नंबरचे प्रमुख मंत्रीच जर आर्थिक आधारावरील आरक्षणाचा पुरस्कार करीत आहेत तर सरकारची भूमिका नक्की काय, असा सवाल आता विचारला जात आहे.