BJP-MIM युती, फडणवीस म्हणाले अजिबात सहन करणार नाही, चव्हाणांकडून कारणे दाखवा नोटीस

अकोला : अकोट नगरपरिषदेत सत्ता स्थापन करण्यासाठी करण्यात आलेली भाजप आणि एमआयएमची अभद्र युती सध्या राज्यभर चर्चेचा विषय ठरत आहे. या युतीवर विरोधी पक्षांकडून जोरदार टीका होत असतानाच, आता एमआयएमकडून या प्रकरणावरून यू-टर्न घेण्यात आला आहे. दुसरीकडे राज्याचे उपमुख्यमंत्री देवेंद्र फडणवीस यांनीही अकोटमधील युती मान्य नसल्याचे स्पष्टपणे सांगितले. कोणत्याही परिस्थितीत ही युती खपवून घेणार नाही. एमआयएमशी युती केल्याने स्थानिक नेत्यांवर कारवाई करू, असा इशाराही त्यांनी दिला.