'दादा, हा VIDEO पोलिसांना दाखव...', लव्ह मॅरेज केलेल्या तरुणानं संपवलं, 'जिच्यावर प्रेम केलं तिनेच...'

अकोला: अकोला जिल्ह्यात एक धक्कादायक घटना उघडकीस आली आहे. इथं एका तरुणाने आपल्या आयुष्याचा भयावह शेवट केला आहे. त्याने आत्महत्या करण्यापूर्वी एक व्हिडीओ शूट केला. तो व्हिडीओ भावाच्या व्हॉट्सअॅपवर शेअर करत आयुष्याचा शेवट केला. आत्महत्या करण्यापूर्वी शूट केलेल्या व्हिडीओत तरुणाने अनेक खळबळजनक दावे केले आहेत. मृत्यूपूर्वी बनवलेल्या व्हिडिओमध्ये त्याने पत्नी आणि सासरच्या मंडळींवर मारहाण आणि मानसिक छळाचे गंभीर आरोप केले आहेत. शिवाय आपल्यावर झालेल्या अत्याचाराचे पुरावे कसे आणि कुठे मिळतील, याचा उल्लेखही तरुणाने शेवटच्या व्हिडीओत केला. या घटनेने संपूर्ण जिल्हा हादरला आहे.