Free Abhyasika: महाराष्ट्रातील असंही मंदिर, जिथं चालवली जाते मोफत अभ्यासिका, आतापर्यंत 29 विद्यार्थी शासकीय सेवेत, Video

वर्धा: वर्धा जिल्ह्यातील श्री क्षेत्र टाकरखेडा येथे श्री संत लहानुजी महाराज यांचे समाधी स्थळ आहे. श्री संत लहानुजी महाराज संस्थान हे वर्धा जिल्ह्यातील नामांकित संस्थानांपैकी एक आहे. त्याठिकाणी अनेक सामाजिक, शैक्षणिक उपक्रम राबविले जातात. त्यापैकी एक शैक्षणिक उपक्रम म्हणजे लहानु अभ्यासिका आणि मार्गदर्शन केंद्र. ही अभ्यासिका कोरोना काळात होतकरू विद्यार्थ्यांसाठी सुरू करण्यात आली. या अभ्यासिकेत प्रवेश घेण्याकरिता विद्यार्थ्यांना कुठलीही फी लागत नाही. त्यांना सर्व सुविधा संस्थानमार्फत दिल्या जातात. या अभ्यासिकेतून आतापर्यंत जवळपास 29 विद्यार्थी शासकीय सेवेत रुजू झाले आहेत.