'नियतीचे फासे फिरले'; अनगरची निवडणूक स्थगित, राष्ट्रवादीच्या उज्ज्वला थिटेंची पहिली प्रतिक्रिया समोर

सोलापूर :  सोलापूर जिल्ह्यातील अनगर नगरपरिषदेची निवडणूक यावेळी चांगलीच गाजली. राष्ट्रवादी अजित पवार गटाच्या उमेदवार उज्वला थिटे यांचा अर्ज बाद करण्यात आला. निवडणूक अधिकाऱ्याच्या निर्णयाविरोधात त्यांनी कोर्टात धाव घेतली पण त्यांची अपील फेटाळण्यात आली. त्यानंतर अनगर नगराध्यक्ष पदाच्या निवडणुकीत मोठा ट्वीस्ट आला आहे. अनगर नगराध्यक्ष पदाच्या निवडणुकीला स्थगिती देण्यात आली आहे. यानंतर आता उज्ज्वला थिटे यांची पहिली प्रतिक्रिया समोर आली आहे. नियतीचे फासे फिरले आहेत, असे म्हणत त्यांनी स्थगितीवर पहिली प्रतिक्रिया दिली आहे.