Baramati News : रिल्स बनवताना नागरीकांच्या खेळायचा जीवाशी, पोलिसांनी अखेर रिल्सस्टारला घडवली जन्माची अद्दल

यावेळी या व्हिडिओचा माग काढत बारामती वाहतूक शाखेने (एम.एच 42 बी.पी. 0090) ही दुचाकी गाडी तात्काळ शोधून काढली. तसेच संबंधित युवकाची ओळख आदित्य जाधव (रा. बारामती) अशी पटली.त्यानंतर वाहतूक शाखेने गाडी ताब्यात घेऊन (मोटार वाहन कायदा कलम २०७ नुसार) नोटीस बजावली. त्याचबरोबर सदर दुचाकी जप्त करून पोलीस ठाण्यात अटकाव करण्यात आली होती.

विशेष म्हणजे, या कारवाईत आत्ताच्या वाहतूक नियम उल्लंघनाबरोबरच यापूर्वी त्याच गाडीवर फूटपाथवर 'नो पार्किंगचा' जुना दंडही बाकी असल्याचे उघड झाले असून तोही वसूल करण्यात आला आहे. त्याबरोबर या चालकावर खटला तयार करून कोर्टात पाठविण्यात आला.अशा प्रकारे फूटपाथचा वापर चुकीच्या पद्धतीने करणाऱ्यांविरुद्ध कठोर कारवाईचा इशारा पोलीस निरीक्षक यादव यांनी दिला आहे.