'दुडम काकांचा फोन आला अन् आयुषची आई धावत आली', रक्ताच्या थारोळ्यात लेकाला पाहून फोडला हंबरडा; त्या दिवशी काय घडल?

आयुष कोमकरची आई आणि वनराज आंदेकरची बहीण कल्याणी गणेश कोमकरने तक्रार केली आहे. त्यानंतर प्रकरणी पोलिसांनी नाना पेठेतील डोके तालमी परिसरातील आंदेकर टोळीच्या 11 जणांवर गुन्हा दाखल केला आहे. आयुषच्या आईने पोलिसांना सांगितले की वनराज आंदेकर याचा खुन झाल्यापासून आंदेकर टोळीतील लोक बदला घेण्यासाठी आमच्यावर पाळत ठेवून आहेत . ५ सप्टेंबर रोजी सायंकाळी ७.३० वाजताच्या सुमारास घरामध्ये एकटीच असतांना मला बिल्डींगमधील अश्विनी आणि दुडम काका यांनी फोन करुन कळविले की, तुमचा मोठा मुलगा आयुष यास कुणीतरी मारहाण केली आहे. म्हणुन मी बिल्डींगच्या खाली येऊन पाहिले असता पार्किंगमध्ये लोकांची गर्दी होती तसेच माझा मोठा मुलगा आयुष हा रक्तबंबाळ अवस्थेत पार्किंगमध्ये जमीनीवर पडलेला होता. माझा लहान मुलगा अर्णव हा रडत होता.