'हौसेला मोल नाही अन् भाऊला तोड नाही', 55 हजारांच्या स्कुटरसाठी 15,44,000 रुपयांची नंबरप्लेट!

हौसेला मोल नसतं, असं आपल्याकडे नेहमी म्हटलं जातंय. त्याामुळे हौसेपोटी माणूस काय करेल, याचा नेम नाही. आपल्या बाईक आणि कारसाठी फॅन्सी नंबर किंवा लकी नंबर घेण्याची लोकांमध्ये चांगलीच क्रेझ आहे. अशातच एका ५५ हजार रुपयांच्या स्कुटरच्या नंबरसाठी तब्बल १५ लाख ४४ हजार रुपये मोजले असल्याचा प्रकार समोर आला आहे. अधिकृत लिलावामधून ही आकडेवारी समोर आली आहे.  चंदीगड शहरातील लोक त्यांच्या आवडत्या क्रमांकासाठी मोठी रक्कम मोजत आहेत, काही प्रकरणांमध्ये ही किंमत वाहनाच्या किमतीपेक्षा वीस पट जास्त आहे.