सोलापूरात नवविवाहितेचा खून, थोरल्या जावेनेच काढला काटा, कोर्टाने दिली मोठी शिक्षा

प्रीतम पंडित, प्रतिनिधी सोलापूर: सोलापूर जिल्ह्याच्या माढा तालुक्यातील अंजनगाव येथे संपूर्ण जिल्ह्याला हादरवून सोडणाऱ्या नवविवाहितेच्या खून प्रकरणी बार्शी न्यायालयाने महत्वपूर्ण निकाल दिला आहे. स्वतःच्या धाकट्या जावेचा गळा दाबून खून करणाऱ्या आणि त्यानंतर पुरावा नष्ट करण्यासाठी मृतदेह जाळणाऱ्या थोरल्या जावेला न्यायालयाने दोषी ठरवलं आहे. तिला जन्मठेपेची शिक्षा सुनावली आहे. गीता पाडुळे असं शिक्षा झालेल्या महिलेचं नाव आहे. तर उज्वला पाडुळे असं हत्या झालेल्या महिलेचं नाव आहे.