धुलीवंदन साजरे करायला निघालेल्या तरुणांच्या कारला अपघात, एकजण जागेवरच गेला

कृष्णा मुळे असे अपघातात ठार झालेल्या तरुणाचे नाव आहे. कृष्णा हा आपल्या मित्रांसोबत धुलीवंदनाचा सण साजरा करायला वॉटर पार्कला जात होता. मध्यरात्री त्यांची गाडी बीड ते शिरूर रोडवरून जात असताना चालकाचे गाडीवरील नियंत्रण सुटल्याने ही गाडी रस्त्याच्या बाजूला पलट्या खात थेट एका विहिरीच्या कठड्याला जाऊन धडकली.

सुदैवाने ही गाडी विहिरीत पडली नाही. परंतु या भीषण अपघातात कृष्णा मुळे हा जागीच ठार झाला तर प्रसाद खोले, यश पेंढारे आणि अन्य एक जण यामध्ये जखमी झाले. या कारच्या पाठीमागे त्यांच्याच मित्रांची आणखी एक गाडी होती त्या गाडीतील मित्रांनी जखमींना तातडीने बीड येथील खासगी रुग्णालयात दाखल केले, त्यांच्यावर सध्या उपचार सुरू आहेत.