Beed News: बीडमध्ये तणाव वाढला; थेट SP उतरले रस्त्यावर, SRPF पण बोलवली, प्रशासन अलर्ट मोडवर

बीड :  बीडमध्ये मतदानाला गालबोट लागले आहे. गेवराई नगरपरिषद निवडणुकांसाठी सुरू असलेल्या मतदान प्रक्रियेला मंगळवारी अचानक हिंसक वळण लागले. गेवराई तालुक्यात पंडित गट आणि पवार गट यांच्या मोठा तणाव निर्माण झाला आणि परिस्थिती इतकी बिघडली की माजी आमदार लक्ष्मण पवार यांच्या घरासमोरच दगडफेक झाली. दोन्ही बाजूंच्या कार्यकर्त्यांनी एकमेकांवर हल्ला चढवला आणि काही वेळातच परिसरात दहशतीचे वातावरण निर्माण झाले. या दगडफेकीनंतर पोलिस अॅक्शन मोडमध्ये पाहायला मिळाले असून थेट जिल्हा पोलीस अधीक्षक नवनीत काँवत (एसपी) थेट रस्त्यावर उतरले आहेत.  पोलीस अधीक्षक नवनीत कावत यांनी घटनास्थळी भेट दिली. गोंधळ घालणारा विरोधात तक्रार न मिळाल्यास पोलीस स्वतःहून गुन्हा दाखल करणार आहे.