Beed Crime : आईच्या चारित्र्यावर घेतला संशय; अल्पवयीन मुलाने बापाला शेतात गाठलं अन्.. बीड जिल्हा हादरलं

बीड, 18 ऑगस्ट : गेल्या काही दिवसात बीड जिल्ह्यात गुन्हेगारीच्या अशा घटना घडल्या आहेत, ज्याने संपूर्ण जिल्ह्यात खळबळ उडाली आहे. अशीच आणखी एक घटना समोर आल्याने बीड जिल्हा पुन्हा एकदा हादरला आहे. आपल्या आईच्या चारित्र्यावर संशय घेत असल्याचा राग अनावर झाल्याने अल्पवयीन मुलाने जन्मदात्या बापाला संपवल्याची धक्कादायक घटना घडली आहे. या प्रकरणी पत्नीच्या फिर्यादीवरुन मुलाविरुद्ध पोलिसात गुन्हा दाखल करण्यात आला आहे.

शेतात जाऊन‎ पाहिले असता वडील शेतात रक्ताच्या थोरळ्यात ‎पडलेले दिसले. साहेब पठाण यांना ‎अंबाजोगाईच्या स्वाराती रुग्णालयात नेण्यात‎ आले. घटनेची माहिती मिळाल्यानंतर सरपंचाने‎ बर्दापूर पोलिसांना माहिती दिली. पोलिसांनी‎ पंचनामा केला. सकाळी 7 वाजता चौकशीसाठी‎ बोलवलेल्या चौघांपैकी एका त्यांच्याच मुलाने‎ खून केल्याचे पोलिसांना जबाबात सांगितले. ‎अंबाजोगाईचे अपर पोलीस अधीक्षक कविता‎नेरकर यांनी घटनास्थळाला भेट दिली. ‎अल्पवयीन मुलाला ताब्यात घेतले. पुढील तपास ‎बर्दापूर पोलीस ठाण्याचे सहायक पोलिस निरीक्षक‎ महिंद्रसिंग ठाकूर हे करत आहेत.‎