नर्सरीचा बिझनेस, महिन्याला तब्बल 3 लाखांचा नफा, 5 वर्षातच बीडमधील व्यक्तीने व्यवसाय यशस्वी!

बीड : नर्सरीच्या (रोपवाटिका) माध्यमातून उत्पादित होणारी झाडे पर्यावरणाच्या संरक्षणासाठी महत्त्वपूर्ण योगदान देतात आणि वनस्पती संसाधनांचे संरक्षण करण्यास मदत करतात. झाडांच्या वाढीमध्ये यामुळे महत्वाची मदत होते. त्यामुळे जनावरांचा चारा, इंधन, लहान लाकूड, अन्न उत्पादने आणि औषधे यांच्या पुरवठ्यामध्ये उपजीविकेचा आधार वाढतो.

हरित भारताचे उद्दिष्ट साध्य करण्यासाठी वृक्ष नर्सरी स्थापन करणे आणि आवश्यक कौशल्यांसह मानवी संसाधने मजबूत करणे महत्त्वाचे आहे. यामुळे बीड येथील अल्ताफ मिर्झा यांनी नर्सरी उद्योग सुरू केला आहे. या अल्ताफ मिर्झा यांनी नर्सरीची सुरुवात 5 वर्षांपूर्वी केली होती. दीड एकरमध्ये ही नर्सरी आहे. त्यांच्याकडे फळ आणि फुले मिळून ते 20 प्रकारच्या झाडांची विक्री करतात. एक झाड साधारण 150 रुपयांपसून विक्री करतात.