चूक कुणाची? आधी टेम्पोला धडक अन् डोकं सापडलं कंटेनरच्या चाकाखाली, मनविचलित करणारा VIDEO

मिळालेल्या माहितीनुसार, विनोद पाटील हा तरूण पडघा वरून भिवंडीच्या दिशेने दुचाकीने प्रवास करत होता. यावेळी निंबवली नाक्यावर त्याच्या दुचाकीला अपघात होऊन त्याचा मृत्यू झाला होता. या अपघाताचा आता सीसीटीव्ही फुटेज समोर आला आहे. या फुटेजमध्ये विनोद पाटील हा वडपे भिवंडी रस्त्यावरील निंबवली फाटा येथे येवई कडून येताना दिसतो आहे. या दरम्यान गांड्यांचा वेग फारच कमी आहे. या दरम्यान अचानक टेम्पो चालक ब्रेक मारतो ज्यामुळे बाईक जाऊन थेट टेम्पोला आदळते. या दरम्यान विनोद पाटील याचा बाईकवरून कंट्रोल सुटतो आणि तो थेट रस्त्यावर कोसळतो.या दरम्यान बाजूने जाणाऱ्या कंटेनरखाली सापडतो आणि त्याचा चिरडून मृत्यू होतो.

दुचाकीवरून येणाऱ्या विनोदच्या गाडीचा धक्का टेम्पोला लागल्याने, विनोद खाली कोसळला आणि बाजूनेच जाणाऱ्या कंटेनरच्या चाकाखाली येऊन अपघात झाल्याचे CCTV मध्ये दिसत आहे.त्यामुळे या अपघातात सरळ सरळ चूक टेम्पो चालकाची दिसत आहे.

या घटनेनंतर पोलिसांनी तत्काळ घटनास्थळी दाखल होऊन मृतदेह ताब्यात घेऊन पोस्टमार्टमसाठी पाठवला आहे.या अपघातानंतर कंटनेर चालक फरार झाला आहे की पोलिसांनी त्याला पकडलं आहे?याची अद्याप काहीच माहिती मिळू शकलेली नाही आहे. पण या घटनेने परिसरात हळहळ व्यक्त होत आहे.