प्रचारादरम्यान भाजप-काँग्रेस कार्यकर्ते आपसात भिडले, लाठ्या-काठ्या अन् दगडांनी एकमेकांना मारहाण

मिळालेल्या माहितीनुसार, शनिवारी सायंकाळच्या सुमारास नारपोली येथील भंडारी चौक भागात प्रभाग क्रमांक २० मधील काँग्रेसच्या उमेदवारांचा प्रचार सुरू होता. या वेळी काँग्रेस पक्षाच्या काही महिला घरोघरी जाऊन प्रचार करत होते. याचवेळी त्यांची रॅली जेव्हा भंडारी चौकातील भाजप कार्यालयासमोर आली. त्यावेळी वादाची ठिणगी पडली. दोन्ही गटांचे कार्यकर्ते समोरासमोर आल्याने सुरुवातीला शाब्दिक बाचाबाची झाली. मात्र, काही वेळातच या वादाचे रूपांतर हिंसक हाणामारीत झाले. दोन्ही गटांतील कार्यकर्त्यांनी एकमेकांवर लाठ्या-काठ्यांनी हल्ला केला आणि जोरदार दगडफेक केली. या अचानक झालेल्या हल्ल्यामुळे परिसरात मोठी पळापळ झाली आणि नागरिकांमध्ये भीतीचे वातावरण पसरले.