BMC Election: मुंबईत भाजपने ३२ माजी नगरसेवकांना तिकीट नाकारलं, बड्या नावांचाही समावेश पाहा यादी

Written by:Shrikant Bhosale

Last Updated:Jan 01, 2026 3:10 PM IST

BJP BMC Candidates: मुंबई महापालिका निवडणुकीची रणधुमाळी सुरू झाली आहे. मुंबई महापालिकेत आपला महापौर बसवण्यासाठी भाजपने चंगच बांधला आहे. मात्र, २०१७ मध्ये निवडून आलेल्या ३२ माजी नगरसेवकांना पुन्हा संधी नाकारली आहे.

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

मुंबईत भाजपने ३२ माजी नगरसेवकांना तिकीट नाकारलं, बड्या नावांचाही समावेश, पाहा यादी

मुंबई: मुंबई महापालिका निवडणुकीची रणधुमाळी सुरू झाली आहे. मुंबई महापालिकेत आपला महापौर बसवण्यासाठी भाजपने चंगच बांधला आहे. भाजप मुंबई महापालिकेत १३७ जागांवर निवडणूक लढवणार आहे. भाजपने यंदा आपल्या उमेदवारांच्या यादीत तरुण आणि नव्या चेहऱ्यांनाही संधी दिली आहे. मात्र, २०१७ मध्ये निवडून आलेल्या ३२ माजी नगरसेवकांना पुन्हा संधी नाकारली आहे.

भाजपने महापालिका निवडणुकीसाठी आक्रमक भूमिका घेतली असून नवीन डावपेच टाकत विरोधकांना खिंडीत गाठण्याची रणनीती आखली आहे. मागील २०१७ च्या मुंबई महापालिका निवडणुकीत भाजपने ८२ जागांवर विजय मिळवला होता. मात्र, त्यातील ३२ जणांच्या नावावर काट मारली आहे. या नगरसेवकांच्या जागी नवीन उमेदवार देण्यामागे काही कारणं असल्याचे समोर आले आहे.

कोणत्या कारणाने उमेदवारी नाकारली?

या माजी नगरसेवकांना पुन्हा संधी नाकारण्यामागे काही कारणे आहेत. यात, वॉर्ड आरक्षण महत्त्वाचे आहे. तर, काहींना वयाच्या मुद्यावर पुन्हा संधी नाकारण्यात आली. तर, दोन दिवगंत नगरसेवकांच्या जागी दोन नवीन उमेदवारांना संधी देण्यात आली आहे. तर निधन झालेल्या एका नगरसेवकाच्या जागी त्यांच्या कुटुंबातील व्यक्तीला संधी देण्यात आली आहे.

>> भाजपने कोणाला नाकारली संधी? पाहा यादी

वॉर्ड क्र.	माजी नगरसेवक	विद्यमान उमेदवार
2	जगदीश ओझा	तेजस्वी घोसाळकर
8	हरीश रावजी	योगिता पाटील
13	विद्यार्थी सिंग	राणी द्विवेदी
14	आशावरी पाटील	ॲड. सीमा शिंदे
15	प्रवीण शाह	जिग्ना शाह
16	अंजली खेडकर	श्वेता कोरगावकर
17	बिना दोषी	डॉ. शिल्पा सांगोरे
21	प्रतिभा गिरकर	लीना देहेरकर
22	प्रियांका मोरे	हिमांशू पारेख
24	सुनीता यादव	स्वाती जयस्वाल
27	सुरेखा पाटील	नीलम गुरव
29	सागर ठाकूर	नितीन चव्हाण
30	सेजल देसाई	योगेश वर्मा
36	दक्षा पटेल	सिद्धार्थ शर्मा
45	डॉ. राम बारोट	संजय कांबळे
50	दीपक सिंग	विक्रम राजपूत
67	रेणू भसीन	सुधा सिंग
85	ज्योती अळवणी	मिलिंद शिंदे
99	संजय अगळदरे	जितेंद्र राऊत
103	मनोज कोटक	हेतल मोर्वेकर
105	रजनी केणी	अनिता वैती
107	स्मित कांबळे	नील सोमय्या
122	वैशाली पाटील	चंदन शर्मा
132	पराग शाह	ऋतू तावडे
139	बिंदू त्रिवेदी	धर्मेश गिरी
174	कृष्णवेणी रेड्डी	साक्षी कनोजिया
177	नेहल शाह	कल्पेश कोठारी
217	मीनल पटेल	ॲड. गौरांग झवेरी
218	अनुराधा पोतदार	स्नेहल तेंडुलकर
219	ज्योत्स्ना मेहता	साक्षी सानप
220	अतुल शाह	दिपाली कुलथे

मतदानाआधीच दोन जागांवर फटका..

भाजपला मतदानापूर्वीच दोन जागांवर फटका बसला आहे. वॉर्ड क्रमांक २११ आणि २१२ मध्ये महायुतीचा उमेदवार नाही. वॉर्ड क्रमांक २११ मध्ये भाजप उमेदवाराचा अर्ज फेटाळण्यात आला. तर, २१२ मध्ये भाजपच्या महिला उमेदवाराला अर्ज दाखल करण्यास १५ मिनिटांचा उशीर झाला. त्यामुळे एबी फॉर्म असूनही त्यांना उमेदवारी मिळाली नाही. या वॉर्डमध्ये अपक्ष अथवा अन्य उमेदवाराला भाजपला पाठिंबा द्यावा लागणार आहे.