Buldhana News : अवैध सावकाराच्या पैशासाठी तगादा, त्रासाला कंटाळून शेतकऱ्याने उचललं टोकाचं पाऊल, बुलढाणा हादरलं!

बुलडाणा जिल्ह्यातील खामगाव तालुक्यातील मांडका या गावातील शिवाजी सातव हा युवा शेतकरी त्याच्या कुटुंबियांसोबत राहत होता.शेतीची की काम करुनच तो आपल्या घराचा गाडा हाकत होता. या दरम्यान त्याला अवैध सावकाराकडून प्रचंड त्रास होता होता. या त्रासाला कंटाळून 27 वर्षीय युवा शेतकऱ्याने विषारी औषध प्राशन करून आत्महत्या केल्याची धक्कादायक घटना घडली आहे.

मांडका येथील शिवाजी सातव या युवा शेतकऱ्याने अवैध सावकार विपुल गायगोळ,शुभम गायगोळ यांच्याकडून व्याजाने काही पैसे घेतले होते. मात्र त्याला हे पैसे परत करता आले नव्हते.त्यामुळे त्याने सावकाराकडे आणखी थोड्या दिवसाची मूदत मागितली होती. मात्र सावकाराने कुठल्याही प्रकारची मुदत न देता चक्क शेतकऱ्यांच्या शेतात उभी असलेली म्हैस व्याजाच्या पैश्यात ताब्यात घेतली. त्यामुळे शेतात उभी असलेली म्हैस सोडून नेली त्यामुळे युवा शेतकऱ्यांनी विषारी औषध प्राशन करून आत्महत्या केली आहे.