बुलढाण्यातील 'टक्कल व्हायरस'ला नवं वळण, केस गळतीनंतर आता नख गळतीचा धक्कादायक प्रकार, नेमकं कारण काय?

Buldhana Rapid Nails Loss : गेल्या काही दिवसांपासून बुलढाण्यात (Buldana) टक्कल पडण्याच्या आजाराने धुमाकूळ घातल्याचं पहायला मिळालं होतं. बुलढाण्यातील टक्कल व्हायरसने संपूर्ण महाराष्ट्राला टेन्शन दिलंय. या आजारात नागरिकांना फक्त तीन दिवसात टक्कल असल्याचं समोर आलं होतं. अशातच आता केस गळतीनंतर आता नख गळतीचा धक्कादायक प्रकार समोर आला आहे. शेगाव तालुक्यातील केस गळतीच्या प्रकरणाला आता अधिक गंभीर वळण मिळालं आहे. केस गळतीच्या त्रासामुळे त्रस्त असलेल्या रुग्णांना आता नखं गळतीचाही सामना करावा लागत आहे.