Crime News : बुलढाण्यात मस्साजोगची पुनरावृत्ती? पंकज देशमुखची आत्महत्या की घातपात? पत्नीकडून CID चौकशीची मागणी!

Pankaj Deshmukh Death Case : बुलढाणा जिल्ह्यातील जळगाव जामोद येथील भाजप कार्यकर्ता आणि भाजपा आमदार संजय कुटे यांचा वाहन चालक पंकज देशमुख मृत्यू प्रकरणाला आता नवीन वळण आल आहे. गेल्या 3 मे रोजी जळगाव जामोद येथील बऱ्हाणपूर रोडवरील एका शेतात पंकज देशमुख यांचा मृतदेह रुमालाला लटकलेल्या अवस्थेत व संशयास्पद स्थितीत आढळला होता. त्यावेळी पंकज देशमुख यांच्या हातावर पायावर आणि मानेवर अनेक जखमाही आढळल्या होत्या. जळगाव जामोद पोलिसांनी मृतदेहाच शवविच्छेदन अकोला येथील शासकीय वैद्यकीय महाविद्यालयाच्या रुग्णालयात केलं असं असलं तरी पंकज देशमुख यांचा मृत्यू संशयास्पद असल्याची चर्चाही जळगाव जामोद परिसरात होत होती. मात्र, आता पंकज देशमुखच्या पत्नीने सनसनाटी आरोप केले आहेत.