Buldhana : मराठी शाळा वाचवण्यासाठी सरपंचबाईंचा धाडसी निर्णय, ZP शाळेत प्रवेश अ‍ॅडमिशन घेतल्यास घरपट्टी अन् पाणीपट्टी माफ!

Buldhana Marathi School : महाराष्ट्रातील मराठी शाळांमधील विद्यार्थ्यांची संख्या सातत्याने घट होत असल्याचं चित्र समोर येत आहे. विशेषतः शहरी आणि निमशहरी भागांमध्ये इंग्रजी माध्यमांच्या शाळांकडे पालकांचा कल वाढत असल्याने मराठी शाळांना घरघर लागली आहे. काही महानगरपालिकेच्या सरासरी आकडेवारीनुसार, 2005 मध्ये 21 मराठी प्राथमिक शाळा होत्या, त्या आता केवळ 12 उरल्या आहेत. आर्थिक पाहणी अहवालानुसार, महाराष्ट्रात प्राथमिक शिक्षणातील पटसंख्या एक कोटी 67 लाखांवरून एक कोटी 54 लाखांवर आली आहे, ज्यात मुलींची संख्या 16 टक्क्यांनी घटली आहे. अशातच आता बुलढाण्यातील भडगाव मायंबा या गावांमध्ये सरपंचांनी धाडसी निर्णय घेतलाय.