दुहेरी हत्याकांडाने बुलढाणा हादरलं! पोटच्या मुलाने आई-वडिलांची केली हत्या, मरेपर्यंत घातले घाव...

बुलढाणा जिल्ह्याच्या चिखली तालुक्यात एक अमानुष घटना समोर आली आहे. इथं एका तरुणाने आपल्या आई वडिलांची निर्घृण हत्या केली आहे. आरोपीनं लाकडी खाटेच्या दांड्याने जन्मदात्या आई वडिलांना बेदम मारहाण केली. ही मारहाण इतकी भयावह होती की ज्यात आई आणि वडील अशा दोघांचाही मृत्यू झाला. निर्दयी मुलाने आपल्या जन्मदात्या आई-वडिलांसोबत केलेल्या या अमानुष कृत्यामुळे परिसरात मोठी खळबळ उडाली आहे.