मद्यधुंद मनसे जिल्हाध्यक्षाचा रुग्णालयात राडा, मध्यरात्री ICU मध्ये घुसून डॉक्टरला बेदम मारहाण, VIDEO व्हायरल

MNS buldhana hospital video viral : मराठी माणसाच्या मुद्द्यावरून मनसेने मुंबईत आवाज उठवला अन् अख्खा महाराष्ट्रात याची ठिणगी पेटल्याचं पहायला मिळालं. तर दुसरीकडे मनसेच्या कार्यकर्त्यांनी खळखट्याक आंदोलन देखील केलं. एकीकडे मराठीच्या मुद्द्यावरून मनसेला सहानुभूती मिळत असताना दुसरीकडे आता मनसेच्या जिल्हाध्यक्षाने रुग्णालयात राडा घातल्याचं पहायला मिळालं आहे. बुलढाण्यात रुग्णाला भेटण्याच्या वेळेवरून झालेल्या वादातून मनसेच्या जिल्हाधिकाऱ्याने खासगी रुग्णालयातील एका ज्युनिअर डॉक्टरला बेदम मारहाण केल्याचा धक्कादायक प्रकार उघडकीस आला आहे. त्यामुळे आता बुलढाण्यात संताप व्यक्त केला जात आहे.