Buldhana Crime : दोन हात, मुंडकं नसलेली बॉडी! बुलढाणाच्या माजी सरपंचाची निर्घृण हत्या, पोलीस स्टेशनजवळच सापडला मृतदेह

Buldhana Crime News : बुलढाणा जिल्ह्यातून एक धक्कादायक आणि तितकीच गंभीर घटना समोर आली आहे. वंजारी समाजाचे माजी सरपंच अशोक सोनुने यांची अत्यंत निर्घृणपणे हत्या करण्यात आली आहे. या घटनेमुळे संपूर्ण परिसरात खळबळ उडाली असून, पोलिसांच्या भूमिकेवरही गंभीर प्रश्नचिन्ह निर्माण झाले आहे. मिळालेल्या माहितीनुसार, अशोक सोनुने यांचे अपहरण पोलीस स्टेशनमधूनच झाल्याचा आरोप त्यांच्या कुटुंबीयांनी केला आहे. संपत्तीच्या वादातून त्यांची हत्या झाल्याची शक्यता वर्तवली जात आहे. सर्वात धक्कादायक बाब म्हणजे, वाद मिटवण्यासाठी पोलीस ठाण्यातून फोन आल्यानंतर सोनुने घराबाहेर पडले, पण ते पुन्हा कधी परतलेच नाहीत.